Like this:

आस्था तिमी कहाँ  छौ ????

 

यौवनको रंगले 

रंगिए देखि म 

आस्था आस्था आस्था 

हरपल तिम्रै आस्थामा 

मलाई सुम्पिदिएँ 

आस्थाकै मन्दिरमा बली चढी दिएँ 

तर जीन्दगीको दिप धिप धीप निभ्नै लाग्दा 

आस्था तिमि कहाँ छौ ???? 

 

देवी देवालए

मन्दिर र मस्जिद 

गुम्बा अनि चर्च 

कहाँ खोजिन तिमीलाई 

खोज्दा खोज्दै हराइसकें 

बहुलाईसकें

कैले कालिमाटी

कैले रत्नपार्क

कैले कुन गल्ली

कैले कुन चोक

यो निरश सहरको

मेरै आस्थाको सायरी

गाउँदै हिड्न थालें

आस्था तिमी कहाँ छौ ????

 

फरक

धेरै फरक जीन्दगी

पैले तिमी थियौ मेरो साथ

ऐले छ पांग्रे

फरक फरक पेटी को वास

मेरो वर्तमान

खै कैले हो यमराज संग

निर्णायक हारको लडाईं

तिमी त

आस्था तिमी त

मलाई झैं नै

कुन बिचारालाई

मत्त छौ चुसेर

आस्थाको जाल फिजाइरहेका छौ

कुन कुन्दुरमा छौ

आस्था तिमी कहाँ छौ ????

 

गुनासो छैन आस्था

खुशी छु

तिमीले पिलाएको हरितालको

शक्तिले

सुस्त सुस्त गलिरहेको छु

मृत्युको संघारमै  अड्किरहेको छु

तर अन्तिम इच्छा आस्था

सास जानु भन्दा अघि

मेरो आस्थाको दर्शन भोगी छु

आस्था तिमी कहाँ छौ ????