म समस्यै समस्याले मरिसकेको जीउँदो मान्छे भोकले रन्थनिएका
समस्या रुपी भूतहरु
मेरो उजाड जिन्दगीको
स्मसान् र
अन्धकार
चिहान गैह्रामा
सल्बलाउनु सलबलाएका छन्
समस्यरुपी भूतहरुको
लाखेटाईमा परेको छु
कैले उँभो
कैले उँदो
कुस्ती खेल्दा खेल्दै
लम्पसार अनि
उत्तानो परि लडेको छु
म समस्यै समस्याले मरिसकेको जिउँदो मान्छे
अस्ति अर्कै अनुहार
हिजो अर्कै
आज फेरि अर्कै
स्वरुप बदल्दै
मेरो मरिसकेको
जिउँदो जिन्दगीलाई
सबै धुर्ब बाट
बन्धक बनाएको छ
त्यो बिकराल घेरा
नाघ्न हात खुट्टा सबै चलाउँछु
अन्तत सिथिल हुन्छु
उत्तानो परेर लड्छु
म समस्यै समस्याले मरिसकेको जीउँदो मान्छे
मेरो मष्तिस्कका नशाहरु
एक एक गरि सुक्दै गएका छन्
प्रत्येक इन्द्रियहरु
भाइरसको आक्रमणले
बेकामी भैसकेका छन्
समस्याको अदृश्य शक्तिले
लुछी लुछी मलाई
कंकाल बनाइसकेका छन्
एक पटक हैन
दुइ पटक हैन
तीन पटक हैन
समस्यै समस्याले
म धेरै पटक मरिसकेको छु
वस
जिउँदो देखिन्छु तर
म समस्यै समस्याले मरिसकेको जीउँदो मान्छे हूँ ……………………..
ekdamai ramrari express garnu bhako cha dai!!
By: prasansa on June 25, 2010
at 8:46 pm
tapaiko sabai rachana haru ramro ra istariya rahi6a,sarai nai maan chune khalko rahi6a.best of luck.
By: deepak shrestha on August 11, 2010
at 3:06 pm